Quen somos

Nosoutras, Eva e Inés, somos dúas rapazas de Ribadeo, alumnas de 2º da ESO no IES Ribadeo Dionisio Gamallo. Ocorréusenos este tema para o noso traballo porque a nós encántanos o mar, e xa que vivimos nunha vila costeira, temos que aproveitar este gran privilexio. Decidimos facelo sobre os naufraxios sucedidos aquí, porque nos pareceu moi interesante a historia dos barcos accidentados nesta zona. Ademais, aprendemos moito realizando a investigación. Para o traballo seleccionamos tan só as noticias referidas ós casos máis salientables e divulgados, xa que foron dos que máis información poidemos recoller.