Dicionario mariñeiro

• APROAR: dirixir  en certa  dirección  a  proa dun navío.
• AVANTE: en dirección a un lugar que está diante  nosa .
• BABOR: lado esquerdo do barco.
• BERGANTÍN: embarcación de dous paus de velas cadrangulares ou redondas.
• BRUMA: néboa pouco espesa, que se forma especialmente  no mar .
• CABOTAXE: navegación mercante que se fai ó longo da costa, entre as portas dunha nación.
• COPE: parte do aparello, a xeito de bolsa, onde se concentra o peixe.
• ESTRIBOR: lado dereito do barco.
• FARO: torre cunha lanterna situado nalgún punto da costa ou arrecife. Serve para facilitar a  navegación.
• FOQUE: vela triangular  de proa nunha  embarcación.
• GRUMETE: aprendiz de mariñeiro que axuda  á tripulación nas súas faenas.
• MAREMOTOS: axitación violenta que se produce nas augas do mar debido á oscilación sísmica.
• MARIÑEIRO: todo profesional que traballa   a bordo de embarcacións pesqueiras no mar, tamén chamado pescador.
• MARUSÍA: cheiro a  mar e a algas; mar moi axitado, que pode facer perigosa a navegación.
• MASTRO: poste de madeira ou de ferro, colocado en posición vertical nun barco, que sostén as velas e, nos barcos modernos, as antenas de radio, os focos etc.
• NÁUFRAGO: persoa que sufriu un naufraxio.
• NAUFRAXIO: afundimento dun barco no mar, xeralmente provocado por unha vía de auga .
• ONDA: movemento circular das augas ascendentes  e descendentes.
• POPA: parte traseira do casco dunha embarcación.
• PROA: parte dianteira do casco dunha embarcación.
• TEMÓN: peza de madeira ou de metal dunha embarcación, que fai xirar a balsa a babor ou a estribor.
• TIFÓN: ciclón moi violento dos mares da China e do océano Índico acompañado de fortes ventos e chuvias torrenciais .
• TRIPULACIÓN: conxunto de persoas  encargadas   de conducir e manter o servizo dun barco, avión ou nave espacial.
• VELEIRO: embarcación provista de velas que se move mediante a propulsión do aire.

Para todos aqueles que queirades profundizar máis no vocabulario mariñeiro deixámosvos este enlace a un dicionario mariñeiro feito na Arxentina. Se atopades un propio, podedes deixar comentario e enlace.

En La Voz de Galicia atopamos tamén as primeiras palabras do que sería un Dicionario mariñeiro, pero non atopamos continuidade.